þriðjudagur, 25. janúar 2011

Sérhagsmunaklíka tekur íslenska launamenn í gíslingu

Hef verið á 4 fundum í dag og hitta þar um 100 manns og er reyndar að fara á fund stjórnlagaþingmanna seinna í kvöld. Áberandi hefur verið sama hvar ég hef komið, menn eru gjörsamlega gáttaðir á útspili SA/(LÍÚ).

Það sé óskiljanlegt, það eina sem geti skýrt sé að þar ráði för sérhagsmunagæsla. Ég hef heyrt það víða í vetur við störf að undirbúning kjarasamninga að LÍÚ ætli sér að rústa viðræðum, sama hvaða brögðum verði beit.

Koma vinnumarkaði í bál og brand og helst að skapa með því pólitíska upplausn á Alþingi. Hæstiréttur lagði í dag langa lykkju á leið sína til þess að taka þátt í þessu.

Málflutningur Vilhjálms Egilssonar framkv.stj. SA/LÍÚ) og reyndar fleiri staðfestir þetta. Allavega gengur þetta þvert á þau atriði sem Vilhjálmur hefur haft fremst sínum rökstuðning um að hér verði að semja til langs tíma. Skapa stöðugleika, lága verðbólgu og með því viðsnúning í hugarfari.

Það sé eina leiðin til þess að fyrirtæki og almenningur fari að fjárfesta og framkvæma. Hlutabréfamarkaður fari af stað, gengið styrkist og það allt saman leggist á eitt um að skapa styrkingu krónunnar og batnandi kaupmætti.

Í þessu tilfelli er ástæða til þess að benda á málflutning forsvarsmanna Samtaka iðnaðarins. Útspil Vilhjálms framkv.stj . SA/(LÍÚ) og málflutningur hans gengur þvert á það sem forsvarsmenn iðnaðarfyrirtækja, ekki síst sprotafyrirtækja, halda fram.

Ætlar íslensku þjóðfélagi ekki að takast rífa sig frá því ofurvaldi sem valdastéttin hefur tekist að draga til sín og ver með öllum tiltækum brögðum? Hún krefst þess að launamenn eigi að búa við að kjarabarátta þeirra sé reglulega eyðilögð með handstýrðum gjaldmiðli. Sérhagsmunaaðilar berjast gegn því að stjórnarskrá verði endurskoðuð.

Sérhagsmunaklíka beitir iðnfyrirtækjum ofríki. Iðnfyrirtæki að búa til flest störf hér á landi. Greiða best laun, og eru þau einu sem geta skapað hér þau 20 þús. störf sem þarf til hér á landi á næstu 2 árum. Ég hef heyrt í nokkrum forsvarsmönnum iðnfyrirtækja í dag og þeir eru sumir öskuvondir yfir þessu útspili SA/(LÍÚ) og aðrir eru furðu lostnir.

17 ummæli:

TómasHa sagði...

Þegar áður hefur verið dæmt á þann veg að kosningar séu ógildar þegar hugsanlega var mögulegt að sjá í gegnum kjörseðil hvað var kosið, þá er þetta í fullkomnu samræmi.

Það var ekki bara 1 atrið heldur fjölmörg atriði sem stóðu út af við framkvæmd þessara kosninga.

Það er til dæmis alveg óskiljanlegt að bannað hafi verið að hafa eftirlitsmann á staðnum, þrátt fyrir að það séu skýr fyrirmæli um það í lögunum um að það megi.

Þessi lykkja var því ekki jafn lítil og þú villt vera að láta.

arri sagði...

Er ekki einfaldlega valdaránið að hefjast. Davíð gefur merki til tindátanna með áramótaviðtalinu.

1. Ögrar King og æsir Icesave
2. Vilhjálmur tekur launþega landsins í gíslingu.
3. Sjálfstæðismenn kæra kosninguna.
4. Sjálfstæðis- vina og frændaklíkan í Hæstarétti dæmir út í það ítrasta til að koma stjórnlagaþinginu í uppnám.

Gaman að sjá næsta leik hjá davíð. Held að stjórnvöld verði að fara að tilmælum Gríms Atlasonar " no more mr. nice guy"

arri sagði...

Er ekki einfaldlega valdaránið að hefjast. Davíð gefur merki til tindátanna með áramótaviðtalinu.

1. Ögrar King og æsir Icesave
2. Vilhjálmur tekur launþega landsins í gíslingu.
3. Sjálfstæðismenn kæra kosninguna.
4. Sjálfstæðis- vina og frændaklíkan í Hæstarétti dæmir út í það ítrasta til að koma stjórnlagaþinginu í uppnám.

Gaman að sjá næsta leik hjá davíð. Held að stjórnvöld verði að fara að tilmælum Gríms Atlasonar " no more mr. nice guy"

samúel sigurjónsson sagði...

Það er alveg fráleitt að nokkurt sjómannafélaganna skrifi undir kjarasamninga meðan fiskveiðistjórnunarkerfið er ófrágengið það eru ótal endar þar lausir sem snúa að kjaramálum sjómanna , tryggja verður að skerðingar sem orðið hafa í kerfin...u skyli sér aftur til atvinnusjómanna og að komið verði í veg fyrir að störf okkar verði sett á uppboðsmarkað svo dæmi seu tekinn.
JOHANNA OG STEINGRÍMUR vissu þetta fyrir mörgum mánuðum þó þau þykist koma af fjöllum núna sem endra nær. Gylfi Arnbjörns geltir að sjálfsögðu að beiðni húsbóndans eins og vel uppalinn sveitahundur
Það hefði einhverntíman þótt saga til næsta bæjar að sjómenn þurfi að treysta á LÍÚ í kjarabaráttu sinni við ASí OG ríkisstjórnina

Guðmundur sagði...

Sæll Tómas
Það er einfaldlega rangt og klár lygaþvættingut að það hafi verið bannað að hafa hafa eftirlitsmann, það fór enginn fram á það. Það voru einnig nokkrir þeirra sem náðu kjöri og ekki náðu kjöri á staðnum.
Það var ekkert ólöglegt framkvæmt ekkert svindl, það er einfaldlega ekkert sem styður þennan dóm, nema þða kannski að allri sem kváðu upp þennan dóm eru tilnefndir af þeim stjórnmálaflokk sem hefur barist gegn því að almenningur komist að stjórnarskránni og sumir eru reyndar veltengdir LÍÚ. Það er einnig vitað að tilstóð að taka á því hvernig Hæstaréttardómarar eru tilnefndir það er það sem gerir dóm Hæstaréttar umhugsunarverðan

Guðmundur sagði...

Sæll Samúel
Ég hef hið gagnstæða frá forystumönnum vélstjóra og sjómannafélaga og þannig að þessi fullyrðing þín er rakalaus

Nafnlaus sagði...

að mínu mati þýða þessi nýjastu útspil DO-klíkunnar eitt og aðeins eitt:

"this means war"

Nafnlaus sagði...

Þú gleymdir alveg að minnast á að kröfur ykkar eru þess eðlis að þær njóta ekki fylgis innan verkalýðshreyfingarinnar. Varla kennir þú SA um slíkt?

Af hverju ætli hér sé engin fjárfesting? Er það SA að kenna? Viltu ekki heldur spyrja flokkssystkyn þín í ríkisstjorninni hvers vegna hér sé vaxtamunur sá hæsti í víðri veröld. Men fá kannski 2% vexti af innlánum, en þurfa að borga 5-6% af útlánum. Glæpur? Líklega. Bönkunum er stjórnað af ríkisstjorninni.

Hvernig hefur sala á þeim fyrirtækjum sem ríkið er að koma frá sér verið háttað? Hafa lífeyrissjóðirnir og vildarvinir vinstri flokkanna ekki setið að gnægtarborðunum einir? Ekki hefur almenningi amk verið hleypt að þessum fyrirtækjum. Þar ræður einhver fjárfestingarsjóður lífeyrissjoðanna, með sjálfan Ágúst Einarsson fremstan. Mann sem hefur nú í gegnum tíðina ekki þótt snjall rekstrarmaður.

Hvað svo með viðsemjendur SA? Hverjir fara þar fremstir? Kristján Gunnarsson? Sat hann ekki í stjórn SPKEF? HVað tapaði sú stjórn miklu af sparifé suðurnesjamanna? 50 milljörðum. Er eitthvað skrýtið þó fólk treysti ekki þeim Kristjáni og Gylfja, menn sem eru með sex eða sjöföld mánaðarlaun þeirra sem er verið að semja fyrir? Hvaða hemja er þaðað menn eins og Gylfi og Kristján séu með tæpar 2.000.0000 milljónir í laun á mánuði, á meðan verið er að snakka um að koma töxtum í 200 þús kalla á mánuði í áföngum?

Afstaða SA er skiljanleg. Auðvitað þarf atvinnulífið að hafa einhvern ávæning um að það séu möguleikar á að hægt sé að standa við gerða samninga. Það eru ekki allir sem vinna eins og forsætisráðuneytið hefur unnið að undanförnu, þar sem þjóðin er höfð að háðung með þessu rugli í kringum stjórnlagaþingið.

Af hverjur þurfa vinstri flokkarnir ALLTAF að klúðra sínum málum með svona pínlegum hætti?

Hallur sagði...

Sæll Guðmundur.
Fínn pistill.
Varðandi stjórnlagaþing, þá legg ég til að alþingi setji lög sem skipa þá einstaklinga sem kosnir voru í kosningunum til setu á þinginu. Mér finnst sanngjarnt að þeir fulltrúar sem valdir voru af þeim sem lögðu það á sig að taka þátt í kosningunni sitji á þessu þingi, að ógilda það val vegna ómerkilegra galla í framkvæmd er ekki boðlegt.
Það er sorglegt að horfa uppá það hvað ´hagsmunaaðilar í þjóðfélaginu er ósvifnir í sinni baráttu, vilji almennings er virtur að vettugi ítrekað. Útspil SA/LÍÚ er ljótasta dæmið í þessa veru. Að setja mál upp með þeim hætti er þeim ekki til sóma.
Almenningur í landinu hefur krafist endurskoðunar á kerfinu, það tekur tíma og SA á ekkert með að taka þá vinnu í gíslingu.

Guðmundur sagði...
Þessi ummæli hafa verið fjarlægð af höfundi.
Guðmundur sagði...

Nafnlaus 10:45 Þetta er einhver ómerkilegasti samsuða sem ég hef séð og um leið sú bjálfalegast. Allt byggð að rakalausum samsæriskenningum og svo stutt með rakalausu persónulegu skítkasti.
Það eina sem ég hef starfað fyrir stórnmálaflokk er að ég var varaborgarstjórnarfulltrúi fyrir Sjálfstæðisflokkin eitt kjörtímabil, og sagði mig svo úr flokknum þegar hann misti sig í frjálshyggjuvæðingunni.
Ég hef ekki birt svona innlegg áður en ákvað að gera það til að sína fólki hversu lágt menn geta lagst sig í skjóli nafnleyndar.

Nafnlaus sagði...

Fantagóður að venju. Tek undir þér með lágkúruna hjá nafnlausum 10:45. Það er ótrúlega bjálfalegt að bera saman heildarlaun hjá háskólamenntuðum manni með langan vinnutíma og stjórnunarálag, saman við strípaðan lágmarkstaxta, sem engin er á.
En þetta er venjubundin lágkúra hjá mönnum sem eru verja slakan málstað, þá er alltaf gripið til þess að vaða í einhverja með skítkasti og þeim er um megn að fjalla um efni viðkomandi pistils á málefnanlegan hátt.
Allt annað sem þessi einstaklingur segir gerir ekkert annað en að upplýsa okkur um á hvaða plani hann er sjálfur.
Þorri

Nafnlaus sagði...

Þetta er frekar einfalt. Skrýtið að þú áttir þig ekki á þessu. Ef hjóla á í sjávarútveginn með þeim hætti sem ríkisstjórnin ætlar, hundsa algjörlega niðurstöður sáttanefndarinnar, þá veldur það gríðarlegum óstöðugleika í greininni. Þar sem að sjávarútvegurinn er einn af tveimur grunnatvinnuvegum á Íslandi þá veldur óstöðugleiki í sjávarútvegi óstöðugleika í efnahagslífinu í heild sinni.

Ef það er ekki hægt að treysta á stöðugleika í efnahagslífinu þá þýðir ekkert að semja til langs tíma.
Til þess að hægt sé að skilja hvernig samninga á að gera þá þarf að eyða óvissu í grunnatvinnuvegunum.
Hélt það væri frekar einfalt fyrir verkalýðsleiðtoga að skilja þetta.
Kemur mér reyndar ekkert á óvart að stjórnmálamenn skilji ekki stóra samhengið þeir eru fæstir miklar mannvitsbrekkur.

Ólína Þ. og fleiri vilja í raun vinda ofan af tækniframförum og hagræðingunni sem orðið hefur í sjávarútvegi síðustu tvo áratugina eða svo. Þeirra hugmyndir munu valda því að sjávarútvegur verður baggi á þjóðinni en ekki einn af lykilstoðum íslensks efnahagslífs eins og hann er í dag. Það er því algjört grundvallaratriði að koma í veg fyrir þessi efnahagslegu hryðjuverk sem þetta fólk stendur fyrir og þess vegna kemur SA með þetta útspil, þetta er nefninlega miklu mikilvægara mál heldur en fólk virðist halda.

Guðmundur sagði...

Skrítið að þú áttir þig ekki á því að ég er ekki að ráðast gegn útgerð, ég er að gagnrýna þessi vinnubrgöð.

Það er 8% af vinnumarkaðinum sem vinna hjá þessum fyrirtækjum sem eru að taka hin 92% í gíslingu til þess að koma í veg fyrir lýðræðislega umræðu og seinka kjarasamningum um nokkra mánuði með gríðarlegum skaða fyrir íslenskt launafólk.

Skelfing ganga menn nú langt og lágt til þess að réttlæta þann gjörning.

Nafnlaus sagði...

Ef þú tekur höfuðtalningu í sjávarútvegi færðu kannski út 8%. Þú hugsar ekki um afleidd störf. Það er ákveðin grunnverðmætasköpun sem á sér stað í sjávarútvegi, framleiðslu og t.d. hugbúnaðargerð (reyndar lítil miðað við hin tvö).
Hvað heldurðu að margir iðnaðarmenn eigi t.d. allt undir því að sjávarútvegurinn sé í lagi?

Ein af ástæðum fyrir fækkun starfa hjá iðnaðarmönnum er sú að sjávarútvegurinn er í uppnámi. Er það ekki þess virði fyrir þína félagsmenn að eyða óvissunni í sjávarútvegnum og finnst þér ekki þess vert að berjast fyrir því?

Guðmundur sagði...

Það er ótrúlegt hversu oft þarf að endurtaka sömu hlutina.
Félagsmenn er Rafiðnaðarsambandsins eru í dag um 5.500
Þar ef vinna 3.300 við hátækni og iðnaðarfyrirtæki. 1.000 vinna við síma- fjarskiptageirann í þessum tveim geirum hefur öll fjölgun á sér stað undarna tvo áratugi.

Í hinum geirunum eru um 800 í byggingariðnaði, 200 vinna við orkugeiran, svipaður fjöldi við fyrirtæki tengd fiskvinnslu og landbúnað, þar hefur verið nánst óbreytt og frekar fækkun en fjölgun í störfum tengdum landbúnaði og fiskvinnslu. Og þar er ekkert útlit fyrir fjölgun frekar hið gangstæða

Frímann Sigurnýasson sagði...

Takk fyrir góða grein Guðmundur.
Svona framkoma SA verður þeim til skammar í marga áratugi.

Takk fyrir þor í greinarskrifum.